最近因為返台灣做嘢， 喺宜蘭羅東食嘢已經食到唔知食乜好🥶 摷咗個網一陣，見到間拉麵店， 發現上網啲人話好難訂，而且係睇飛魚季時間營業，就算開每日淨係開幾個時段。 有啲嘢覺得越稀有唔知點解就越想食🙂 點知訂位嘅時候，仲要發現成個月得一日有得訂， 仲要咁啱嗰個時段我得閒！就嗱嗱臨走咗去訂位。 點知跟住Google行，越搵越唔對路，你都知Google Maps成日亂咁老點人㗎啦⋯點知真係有人咁黐線將間拉麵店開入條村入面😂 沿路行得啲老人家，我估呢條應該係漁村？ 所以後生嘅就已經出晒大城市搵嘢做，得返啲老人家喺度。老實講其實都幾舒服嘅，係有陣時左望右望條路咁闊，但係一個人都冇，安靜到有啲緊張啫。 坐到入去發現原來老闆日本仔嚟㗎，而且啲嘢真係唔錯，如果黎開宜蘭係真係可以嚟食一食，不過有陣時啲嘢你想食都未必有得食，同老闆傾開發現其實佢一年淨係開幾個月🥺所以今日我就約咗下個月再食一次！ 因為要睇返飛魚季嘅時間，所以要嚟嘅話真係記得留意佢哋IG啦 @tobiya_otohimesuisan 📍飛屋拉麵(預約制) 270宜蘭縣蘇澳鎮東澳路135巷6號